咁就坐月坐左一大半，坐月真係幾鬼悶。
人夫最叻嘅就係說服左我，叫個親戚過嚟做全日嘅陪月，所以而家坐月坐得好舒服。我換過兩次片咁大把。大細孖養到肥肥白白，由四磅幾養到開始有雙下巴。當然個親戚走嘅時候我就瀨嘢哈哈哈，所以辛苦係只不過遲啲先開始姐。
我生之前嗰幾個禮拜簡直係黑過墨汁。一月嘅時候已經請工人，俾足三個月時間，懶醒咁諗住四月佢離一定冇死。點知佢嚟到香港個體檢唔合格。唔好問點解菲律賓個體檢合格跟住出到Visa。喺菲律賓嗰邊用假報告，定係香港呢邊同佢地一齊食夾棍我唔知。用大牌子成日賣廣告嘅agent都係唔可靠。浪費晒我啲時間要同佢哋周旋。啲Agent收到錢就變臉，幾大牌咁同我講：「我聽日放假，你唔會搵到我㗎啦，你自己鍾意就去客戶服務嗰邊投訴啦。」記得係電話一路爆佢粗，一路行入去診所做產檢，血壓即刻爆升。我呢位高齡High Risk Twins產婦，一路已經手腫腳腫，我OG同學以為我中PET妊娠毒血症。即刻幫我抽左幾筒血🤣。...
See More
Search